Гісторыя

У выніку аварыі на Чарнобыльскай атамнай электрастанцыі каля 70% радыеактыўных рэчываў, якія паступілі ў атмасферу Еўрапейскай часткі былога СССР, выпала на тэрыторыю Беларусі, пры гэтым 23% яе земляў (46,5 тыс. кв. км) аказаліся забруджанымі радыёнуклідамі. Чарнобыльская катастрофа адмоўна адбілася на ўсіх сферах жыцця, рэзка парушыўшы грамадскія, эканамічныя, этнічныя і іншыя сацыяльныя сувязі.

У гэтых умовах узнікла неабходнасць стварэння медыцынскіх устаноў новага тыпу, якія павінны праводзіць не толькі арганізацыйна-метадычную работу, але і аказваць пацярпеламу насельніцтву кансультатыўную і лячэбна-дыягнастычную дапамогу. У Гомельскай вобласці гэтая функцыя была ўскладзена на абласны дыспансер радыяцыйнай медыцыны, які пачаў функцыянаваць 10 верасня 1990 года. Аднак тэхнічныя магчымасці дыспансера, якія дазвалялі праводзіць толькі дыягностыку захворванняў на дашпітальным этапе і кансультаванне хворых, не забяспечвалі ў поўным аб'ёме аказанне медыцынскай дапамогі пацярпелым у выніку аварыі на ЧАЭС.

Ідэя будаўніцтва Цэнтра ўзнікла ў 1990 годзе. Праектна-каштарысная дакументацыя распрацавана ў 1991 годзе.

У сувязі з затрымкай выдзялення валютных сродкаў, будаўніцтва было пачата не ў 1-ым квартале 1992 года (згодна з графікам па кантракце), а ў маі 1993 года.

З-за зрыву валютнага фінансавання ў лістападзе 1994 года будаўніцтва было спынена. Да 1 лістапада 1994 г. фірмай асвоена 16677,8 млн. долараў ЗША. Валютныя сродкі на будаўніцтва 1993-1994 г.г. у асноўным выдзяляліся з рэспубліканскага валютнага фонду.

Распараджэннем Савета Міністраў Рэспублікі Беларусь ад 12 жніўня 1996 г. №758-р "Аб завяршэнні будаўніцтва спецыялізаванага дыспансера ў г.Гомелі" спецдыспансер быў уключаны ў пералік прыярытэтных будоўляў на 1997-1998 гг.

Згодна з распараджэннем Прэзідэнта Рэспублікі Беларусь ад 11 жніўня 1997 г. №230 з рэзервовага фонду Прэзідэнта было выдзелена для працягу будаўніцтва 5 млн. долараў ЗША.

У лістападзе 1998 года фірма "Смелт-Інтаг" прыступіла да падрыхтоўчых работ і будаўніцтва асноўнага аб'екта.

Савет Міністраў Рэспублікі Беларусь прыняў пастанову ад 8 ліпеня 1998 г. №1061 "Аб уключэнні ў інвестыцыйную праграму на 1998 г. будаўніцтва спецыялізаванага дыспансера ў г.Гомелі" і аб'ект быў уключаны ў пералік будоўляў і аб'ектаў для рэспубліканскіх дзяржаўных патрэб, што фінансуюцца ў 1998 г. .за кошт сродкаў рэспубліканскага бюджэту, інвестыцыйнай праграмы на 1998г.

Указам Прэзідэнта Рэспублікі Беларусь ад 23 ліпеня 1999 г. №379 "Аб тэрмінах уводу ў эксплуатацыю важнейшых сацыяльна-значных аб'ектаў і аб'ектаў сацыяльна-культурнага значэння" тэрмін уводу спецдыспансера ў г.Гомелі вызначаны на верасень 2002 г.

Згодна з Указам Прэзідэнта Рэспублікі Беларусь ад 11 лютага 2000 г. №51 «Аб дзяржаўнай праграме развіцця матэрыяльна-тэхнічнай базы ўстаноў аховы здароўя рэспублікі на 2000-2002 г.г. і на перыяд да 2005 г.» тэрмін уводу спецдыспансера вызначаны на 2005 г.

У выніку рэарганізацыі, праведзенай Міністэрствам аховы здароўя (НДК радыяцыйнай медыцыны і эндакрыналогіі; НДІ экалагічнай і прафесійнай паталогіі; Гомельскі абласны дыспансер радыяцыйнай медыцыны; Рэспубліканскі дыспансер радыяцыйнай медыцыны), быў створаны Рэспубліканскі навукова-практычны цэнтр радыяцыйнай медыцыны і экалогіі чалавека на базе пабудаваннага ў Гомлі новага будынка спецдыспансера. Цяпер Цэнтр з'яўляецца галаўной арганізацыяй па аказанні спецыялізаванай медыцынскай дапамогі насельніцтву, якое пацярпела ад катастрофы на ЧАЭС, і па навуковым забеспячэнні Дзяржаўнай праграмы Рэспублікі Беларусь па пераадоленні наступстваў катастрофы на Чарнобыльскай АЭС на 2001-2005 гг. і на перыяд да 2010 года.

Цэнтр прадстаўлены двума карпусамі:
• паліклініка на 500 наведванняў у змену
• стацыянар на 360 ложкаў