Нашы паслугі
Навіны
Пытанне-адказ
Так, мы абслугоўваем пацыентаў па дагаворах добраахвотнага медыцынскага страхавання. Каб запісацца на прыём да лекара або для атрымання медыцынскай паслугі ў нашым цэнтры па страхавым полісе, неабходна звязацца з прадстаўніком страхавой арганізацыі і пераканацца, што Ваш выпадак з'яўляецца страхавым. Кансультант страхавой арганізацыі ўзгадніць дату і час прыёму і запіша на прыём. З больш падрабязнай інфармацыяй можна азнаёміцца тут
- Будзьце гатовыя адказаць на пытанні ўрача аб Вашым стане: ці змяніўся ў Вас апетыт, сон, агульны стан.
- Майце з сабою спіс і дазоўкі медыкаментаў, якія Вы прымаеце і якія прымалі нядаўна.
- Запішыце якая ў вас тэмпература, ціск, узровень цукру ў крыві (калі ў Вас цукровы дыябет і вы рэгулярна карыстаецеся глюкометрам).
- Правільна выконвайце вымярэнні ціску ў адзін і той жа час у спакойным стане.
- Запішыце, усё, што Вас турбуе, якія ў Вас сімптомы. Удакладніце, у якіх выпадках становіцца горш і лепш.
- Падрыхтуйце спіс пытанняў, якія жадаеце задаць. На першае месца пастаўце САМАЕ галоўнае пытанне - тое, што турбуе Вас больш за ўсё.
- Вазьміце ўсю наяўную медыцынскую дакументацыю, падрыхтуйцеся расказаць аб тым, якія аперацыі і сур'ёзныя захворванні ў Вас былі, калі былі алергічныя рэакцыі, то якія і на якія прэпараты.
Калі Ваша праблема патрабуе наступных візітаў, адразу абмяркуйце гэта з урачом, калі лепш запланаваць візіт і пасля якіх даабследаванняў.
Шпіталізацыя дзяцей да 3 гадоў ажыццяўляецца з адным з бацькоў з прадастаўленнем харчавання і койкі, дзеці ад 3 да 5 гадоў шпіталізуюцца з адным з бацькоў (без прадастаўлення харчавання), дзеці старэйшыя за 5 гадоў шпіталізуюцца без бацькоў (магчыма пражыванне сваякоў у гасцініцы пры РНПЦ РМіЭЧ).
Прыёмнае аддзяленне ажыццяўляе планавую шпіталізацыю пры наяўнасці:- пашпарта
- для дзяцей - пасведчання аб нараджэнні
- накіравання ўстаноўленага ўзору
- льготнага пасведчання
У адпаведнасці з заканадаўствам РБ аб радыяцыйнай бяспецы кампутарная тамаграфія і рэнтгенаўскае даследаванне праводзяцца толькі пры наяўнасці рэкамендацыі ўрача (па накіраванні), паколькі пры дадзеным даследаванні аказваецца прамянёвая нагрузка на арганізм. МРТ даследаванні праводзяцца толькі пры наяўнасці рэкамендацыі ўрача (па накіраванні). Згодна з Пастановай Міністэрства аховы здароўя ад 21.04.2023 №58 наяўнасць накіравання на МРТ абавязковая.
Так, у нашым Цэнтры ёсць платныя палаты. Кошт 6,60 беларускіх рублёў за суткі. Забраніраваць, нажаль, нельга. Пры наяўнасці ў дзень паступлення можна скарыстацца дадзенай паслугай.
У РНПЦ РМіЭЧ функцыянуюць наступныя стацыянарныя аддзяленні для дзяцей: анкагематалагічнае, эндакрыналагічнае, аддзяленне алергалогіі і імунапаталогіі. У паліклініцы кансультуюць дзіцячы эндакрынолаг, гематолаг, педыятр-імунолаг. Дыягностыка таксама праводзіцца і дзецям (удакладняць у рэгістратуры).
Галерэя
